Norhan Shahin - psychologist

  ليه الشباب بيجيله إحباط كتير.. المشكله الرئيسيه في مرحلة الشباب مش في الحماس والاندفاع اللي عندهم المشكله الحقيقيه أن الحماس دا بيتوجه غلط.. بيخليك تفكر في تحقيق الاحلام قبل الأساسيات والواقع .. وكالعادة بسبب الحماس الزياده بيكون مصحاب ليه ميكانيزم دفاعي وهو (أحلام اليقظة).. نفضل نحلم ولما ميحصلش الحلم نتصدم طيب المشكله الحقيقيه انك تحلم تبقا مدير وانت لسه مبدأتش تشتغل تحلم تكون صاحب بيزنس وانت بلا خبرة تحلم تتجوز ولسه مش معاك أساسيات مشكلة الاندفاع هي أنها بتولد الاستعجال ...والتأني صفه بتحتاج تدريب .. أفضل حل هو الواقعية ...خليك أمين وصريح مع نفسك وواقعي ...و انت بتفكر بواقعيه في حياتك فكر بواقعيه كمان في قدراتك وامكانياتك واحلم حلم قابل للتحقيق ماتحلمش بحاجه بينها وبين قدراتك فرق كبيييير عشان ماتتصدمش .. #نورهان_شاهين #أخصائيه_علاج_نفسي_و_إكلينيكي

  كتير بشوف سؤال ( لو جاتلك فرصه تلبس نضارة تشوف بيها الناس على حقيقتها وتعرف مين بيحبك ومين منافق ..هتوافق؟!) زي حكاية النضاره البيضه كدا في مسلسل نصيبي وقسمتك عارفين إيه الصح هنا؟! الاجابه هي ...لا لا لا ... اولا لانك هتفقد شغف انك تتعرف على حد أصلا وشغف فك شفرة كل حد بتعرفه...تخيل تمسك كتاب تلاقي أول صفحه فيها خلاصة الخلاصة ..هتقراه ليه بقا؟! ثانيا ودا الأهم ...انت مش متخيل كم الألم النفسي لما تعرف ايه اللي بيخبيه الناس في قلوبهم من ناحيك هتصعب عليك نفسك على ناس فاكرهم بيحبوك وعندهم كم غل وحقد ناحيتك مع انهم أقرب الناس ليك ...مع انك هتتفاجئ بحب وتمني خير من ناس تانيه مكنتش تعرف انهم بيحبوك اصلا ومن ناحية تانيه هيصعب عليك حال ناس تانيه متبهدله وطلعان عينها عشان ناس مبتحبهمش اللي فقلوب الناس يقطع ويحزن ..كل حد عنده مايكفيه من الألم ... ليه نحب نشوف خفايا!!؟؟! دا ربنا الأعلى والأعلم قال ( لا تسألوا عن أشياء إن تبد لكم تسؤكم) يعني ربنا عارف وقالك أن في حاجات لو عرفتها هتتعبك..هنجري ورا وجع القلب ليه!! الحل فعلا في الجمله دي (أعمل لدنياك كأنك تعيش ابدا واعمل لآخرتك كأنك تموت غدا)...

 قدس لحظاتك الهادئه 🥰 🥰 مش كل حاجه في الدنيا جري ومش كل حاجه في الحياه شغل ..أه مهم التنافس ودي صفه حطها ربنا فينا عشان الدنيا تعمر ونتكاثر ونتطور..لكن أحيانا لما التنافس بيزيد..والجري بيزيد..بيشكل ضغط عصبي ونفسي وبدني فوق طاقتك انك تستحمله... حاول بعد يوم طويل ترتاح منغير ماتعمل حاجه..منغير ماتشغل دماغك .. اتعلم تشد الفيشه زي مابنقول بالبلدي عشان ميجيش عليك يوم والفيشه تفرقع وساعاتها اصلاحها هيكون محتاج منك وقت ومجهود التوازن حلو وخير الأمور الوسط حد فكر يسأل نفسه التعب النفسي بيجي منين أو بدايته ايه ؟؟ مهي دي بدايته انك مش بتدي نفسك فرصه تاخد نفسك ومع كتر الجري في الحياه والضغوط النفسيه اللي بنتعرضلها منغير أي فاصل ولا راحه بنقع في مشاكل نفسيه كنا في غنى عنها لو ارتاحنا شويه لذلك لبدنك عليك حق ..فأرح قلبك ونفسك قليلا #نورهان_شاهين #أخصائية_علاج_نفسي_و_إكلينيكي

 

 

 

  معلومه نفسيه..الوقت دا من السنه بتزداد فيه الحاجه لحالة حب واحتواء ومشاعر الدفء..بل ومرتبط ببعض الحالات النفسيه الموسميه ...في ناس في داخلة الشتاء بيجيلها اكتئاب وبنقول عليه اكتئاب موسمي ..فخدوا بالكوا عشان الناس بتدخل في علاقات غير مناسبه بالمره لانها محتاجه وعطشانه لحاله الحب دي وبعد كدا بيفوقوا أنهم اتسرعوا .. #نورهان_شاهين #أخصائيه_علاج_نفسي_و_إكلينيكي #اصحى_لايغفلونا

 

 

 

  بعض الناس بيقولوا عنه قانون الجذب وفي علم النفس اسمه وقع التأهب ..أيا كان اسمه مش هتخسر حاجه لو ابتسمت وتفائلت ...صباحكم خيرات  

 

  لما تفضل تدي منغير مقابل ..وتهتم منغير ماللي قدامك يهتم هو كمان بيك .. ولما تحترم حد مش بيحترمك..لما تتسول العطف والاهتمام من حد مش شايفك اصلا..وتديله أكبر من قدره والقيمه اللي يستحقها...مترجعش تعيط وتقول دنا اديته كل حاجه ليه بيعمل معايا كدا..انت بالاسلوب دا تندرج تحت بند التسول والسذاجه العاطفيه.. اعمل قيمه لنفسك عشان اللي قدامك يقدرك.. وإياك أن تعطي قيمه لمن لا قيمة له.. #نورهان_شاهين #أخصائية_علاج_نفسي_و_إكلينيكي

  زاي نكتشف شخص بيستغلنا ؟!!! اولا الشخص الاستغلالي ليه شوية مواصفات وأولها أنه بيقربلك وقت مصلحته بس يعني مش دايما هتلاقيه قريب ثانيا ..حبه وحنيته مشروطه ..حاجه قصاد حاجه مبيديش ببلاش ثالثا .. لازم يفكرك بنقط ضعفك عشان يهز ثقتك بنفسك وتفضل محتاجله رابعا..مهما عملتله هيحسسك أن اللي عملته العادي وأقل ومش كفايه وبيلعب على احساسك بالذنب خامسا ... دائما هتلاقي عنده نزعه نرجسيه الحقيقه أنه الشخص دا منغيرك ولا حاجه فبلاش نحس بالضعف أو الدونيه أو حتى الذنب...يا تبقا مرايته وتعامله بمعاملته ..ياتبعد وتريح نفسيتك احسن #فكره_عابره #نورهان_شاهين #أخصائية_علاج_نفسي_و_إكلينيكي

  ا تكن لينآ فتهزم ولا تكن صلبا فتكسر.. الوسطيه خير اختيار فالحياه بشكل عام لو قررت تبقا لين اوي وطيب اوي بزياده متزعلش وتعيط بعد كدا وتقول اتعودوا ياخدوا مني وميدوش ولا تكون صلب اوي لدرجة يجي عليك يوم متلاقيش حد يقف جنبك لانك فظ وغليظ القلب لكن أفضل سلوك هو الوسط..تعرف امتى تشد وامتى ترخي ..امتى تفوت وامتى تدقق وتاخد حقك..بمعني اصح هيجي وقت لأجل المحبه ورصيد العشره وعدم كبر الموقف هتتغاضى عن الصغائر.. وهيجي وقت مينفعش غير الحزم لكن أهم حاجه لازم تعرفها والناس تعرفها عنك ..أن ليك حدود انت مش مستباح ومش مباح للكل في أي وقت ..أنت انسان له طاقه ولنفسك وبدنك عليك حق..اهتم بنفسك عشان محدش هيهتم بيك #نورهان_شاهين #أخصائية_علاج_نفسي_و_إكلينيكي

 

  شوفت البوست دا وحد بيهزر وبيقول في مسلسل البحث عن علا هند صبري صورتلنا الدنيا جميله وان الطلاق بدايه حاجات حلوه وحياه جديده...وان جت نيللي كريم في فاتن أمل حربي بوظتلنا الصوره الجميله دي... اللي منقدرش نغفله أنه في الحالتين هو طلاق وهما ستات ..لكن العامل اللي خلى الحدوته مختلفه هو الراجل..بغض النظر سواء في أي مسلسل منهم الراجل عامل ازاي ..وسبب الطلاق ايه..إلا أنه سلوك الراجل وقت الطلاق بيفرق كتير..والمجتمع اللي حواليه بيفرق جدا..يعني لما بيكون بني آدم وعنده احساس بأولاده وراجل فعلا مابيقبلش أبدا يشحطط ولاده برا بيتهم اللي مرتاحين فيه واللي اتعودوا عليه...مبيحتاجش يترفع عليه قواضي عشان يصرف على لحمه... على النقيض المثال التاني ...وهو عمل كل اللي يقدر عليه عشان ينكل بأم بناته و ميصرفش عليهم ويزود همومها ..نسي أنها بتربيله بناته... والعنصر المهم بقا وهو البيئه المحيطه اللي بتشجع على أكل الحقوق و الحرام ونبهدل الطفل عادي ... الحقيقه أنه الراجل اللي بيعمل كدا محدش هينفعه لأنه يوم العرض على الجبار هيتحاسب عالي عمله فأولاده لوحده ومحدش من اللي سخنوه ساعتها هيلحقوه ولا هيتحاسب بداله ... ...

  لجمله والصورة دي حقيقيين فعلا.. راسنا أو بمعنى أدق عقلنا هو أكتر حمل ..عقلنا وطريقة تفكيرنا والطريقة اللي بيوجهنا بيها هي سبب تعبنا أو راحتنا ..عشان كدا مهم أوي تختار هتفكر في أي اتجاه...هنشوف نص الكبايه الفاضي ولا المليان...هتدور على النعم ولا النقم.. هنشوف في كل محنه منحه ولا هنشوف في كل منحه محنه .. أكاد أجزم أن سبب الاكتئاب أو المشاكل النفسيه بتبدأ من عقلنا حتى في حالة وجود عوامل خارجيه أو أشخاص بتضغطك هيفضل عقلك برضو الأهم والمسيطر ... لو قدرت تكتشف قوة عقلك الباطن وتسيطر عليه حياتك هتختلف ١٨٠ درجه  #نورهان_شاهين #أخصائية_علاج_نفسي_و_إكلينيكي

 

 

  لمقوله دي حقيقية جدا كتير بنخاف نخوض تجربه أو نعرف شخص وبنحط هاله كدا حواليه ونقنع نفسنا أن الموضوع صعب مع انك لو أخدت خطوه وقربت وجربت مش هتلاقي الموضوع يستاهل كل الخوف دا لا وكمان انبهارك ممكن يختفي متدوش حاجه ولا حد تقدير أو قدر أكبر من قدرة وانت لسه معرفتوش من اكتر عوامل القلق هي تفكيرك ..تفكيرك اللي بيخوفك ويبعدك عن مستقبل قريب أو بعيد مع أن المستقبل دا بتاع ربنا خليك عارف انك في احتمالين ..انك متجربش وتندم وتطلع حاجه كانت تستاهل التجربه أو تطلع حاجه مكنش ليها لازمه كم الانبهار دا !! وفكلتا الحالين انت المستفيد أكيد وكل مره هتكسر حاجز الخوف من التجربه وتتطور نفسيا هتبقى فخور بنفسك والمره اللي بعدها هتكون اسهل بكتير مش هتشغل بالك وطاقتك تستهلك زي كل مره.. نصيحه احنا بنعيش مره واحده جرب متخافش .. #نورهان_شاهين #أخصائية_علاج_نفسي_و_إكلينيكي