شوفت البوست دا وحد بيهزر وبيقول في مسلسل البحث عن علا هند صبري صورتلنا الدنيا جميله وان الطلاق بدايه حاجات حلوه وحياه جديده...وان جت نيللي كريم في فاتن أمل حربي بوظتلنا الصوره الجميله دي...
اللي منقدرش نغفله أنه في الحالتين هو طلاق وهما ستات ..لكن العامل اللي خلى الحدوته مختلفه هو الراجل..بغض النظر سواء في أي مسلسل منهم الراجل عامل ازاي ..وسبب الطلاق ايه..إلا أنه سلوك الراجل وقت الطلاق بيفرق كتير..والمجتمع اللي حواليه بيفرق جدا..يعني لما بيكون بني آدم وعنده احساس بأولاده وراجل فعلا مابيقبلش أبدا يشحطط ولاده برا بيتهم اللي مرتاحين فيه واللي اتعودوا عليه...مبيحتاجش يترفع عليه قواضي عشان يصرف على لحمه...على النقيض المثال التاني ...وهو عمل كل اللي يقدر عليه عشان ينكل بأم بناته و ميصرفش عليهم ويزود همومها ..نسي أنها بتربيله بناته...
والعنصر المهم بقا وهو البيئه المحيطه اللي بتشجع على أكل الحقوق و الحرام ونبهدل الطفل عادي ...
الحقيقه أنه الراجل اللي بيعمل كدا محدش هينفعه لأنه يوم العرض على الجبار هيتحاسب عالي عمله فأولاده لوحده ومحدش من اللي سخنوه ساعتها هيلحقوه ولا هيتحاسب بداله ...
أنا كل دا بحلل موقفين بشكل عام..ناهيك عن كم الازي النفسي والضرر اللي بيتعرضلها كل الأطراف وبالذات الطفل...
بالمناسبه مسلسل فاتن أمل حربي مش مزودها..دا الواقع في محكمه الاسره اسخم واصعب من كدا بكتييير
#فاتن_أمل_حربي
#محكمه_الأسره
#نورهان_شاهين
#أخصائية_علاج_نفسي_و_إكلينيكي
Comments
Post a Comment