حبيبك يبلعلك الزلط وعدوك يتمنالك الغلط..عن تجربه لو لقيت الشخص اللي هو المفروض حبيبك واقفلك عالواحده ومابيصدق يمسكلك غلطه ..اخلع من العلاقه دي .. هتكون علاقه نرجسيه مريضه..عمرك ماهترتاح وانت حاسس انك متراقب وخايف تغلط..هتفضل قلقان..محدش بيعرف يعيش قلقان. #نورهان_شاهين
Posts
لم يخونك أمين ولكنك إئتمنت خائن لازم نفهم أننا مش عايشين في المدينه الفاضله ولا كل حد هتختارة يدخل حياتك وفكرته محترم يطلع محترم فعلا.. في مثل بيقول اللي تحسبه موسى يطلع فرعون..دي حقيقه..كتير بنتعامل بحسن نيه لأن جوانا طيب وبنفتكر الناس كلها طيبه زينا ..لكن مش كل الناس طيبه ولا كل الناس خبيثه وشريرة .. لو تقبلنا الفكره دي انك مش لازم كل حد يقع في طريقك يطلع محترم هترتاح كتير..هترتاح من مشاعر مابعد اكتشاف الشخص دا ..لازم تقول لنفسك هو كدا وتربيته كدا مش المشكله فيك ولا العيب منك .. أنا عارفه انك مظلوم و موجوع بس ربنا وعد المظلوم يجيب حقه في الدنيا والآخرة لكن أنا شخصيا بطبق جمله جميله اوي وهي(أفسدتم علينا دنيانا بظلمكم..فأفسدنا عليكم آخرتكم بالقصاص ) تخيل الشخص اللي ظلمك في الدنيا ربنا مش هيدخله الجنه الا أما يراضيك..مستني جبر خاطر أكتر من كدا ايه؟!!! #أخصائية_علاج_نفسي #نورهان_شاهين
لن تنضج حتى يُهدم أمام عينيك كُل ما تؤمن به - أحمد خالد توفيق -قد أيه جمله واقعيه جدا...كل ماتكبر هتبتلى في نفسك ..في مالك .في أهلك ...وحتى في دينك -يجيلك أبتلاء في نفسك على هيئة مرض أو عاده نفسيه خاطئه -يجيلك أبتلاء في مالك وتضطرك الظروف انك تتنازل عن جزء كبير من حياتك اللي متعود عليها ومايترتب عن نقص الدخل أو الديون -يجيلك أبتلاء في أهلك يكون صعب وقاسي زي ادمان اخ او فضيحه أب -أما ابتلاء الدين ففي الغالب بيكون بسبب شخص كان غالي عليك اوي وكان عامل فيها شيخ وفارش المصليه ليل نهار وبيدعي الفضيله وتتصدم لما تعرف عنه أقذر الصفات فتفتن وتبتدي تعمم فكره ان كل حد بيصلي أو بيتكلم بالدين فهو آفاق ومنافق -دا كمان حصلت قدامي كتير أن واحده كانت ملتزمه وبعد الطلاق اتغيرت تماما وقلعت الحجاب وكل فكرتها منا كنت مش بسبب فرض وربنا ساب حد مش كويس يلعب بيا ويبهدلني ..كان فين ربنا وانا كنت قريبه منه وبرضو اتبهدلت..تقولها ياستي ابتلاء واختبار لدينك وبعد الصبر جبر..تقولك مش فارقه كدا متبهدله وكدا متبهدله.. -عشان كدا بنقول أن كل الحاجات اللي بتؤمن بيها وقناعاتك ومبادئك الشخصيه لما تبتلى فيهم وتقدر تعدي...
صباحكم خير لا شيء في الدنيا يساوي أن نكذب أو نخون أو نظلم . لا شيء يدعونا لأن نخاف .. والخائف سوف يتمدد إلى جوار الذي يخاف منه بعد قليل ، والجبان لن ينجو من الموت والرعديد سوف يسبق الشجاع إلى حتفه .. وسوف تتفكك هذه البنايات وتنهار تلك العمائر الجميلة كأنها ديكور من ورق اللعب ، وسوف تزول هذه الزخارف كأنها نقش على الماء .. ولن تبقى إلا شواهد قبور .. ثم تغور الشواهد في التراب أو الرمال .. ثم لا يبقى اسم ولا رسم . والذي يعي هذا جيداً سوف يُقبـِل على الدنيا بجسارة وسوف يخوض أحداثها بقلب من حديد ، وسوف يقول الحق لا يخشى فيه لومة لائم ، وسوف يبسط يده بالخير لا يخاف فقراً ، وسوف يواجه البأس لا تزلزله الزلازل ولا تحركه النوازل . وهؤلاء هم أهل الإحسان الذين يعبدون الله كأنهم يرونه ويتعاملون مع الموت كأنه رفيق حاضر وصاحب مصاحب منذ الميلاد . فاجتهدوا أن تكونوا من هؤلاء لتدين لكم الدنيا وتسلم لكم الآخرة وقولوا الحق يرحمكم الله .... .. من كتاب " الإسلام في خندق." د مصطفى محمود رحمه اللَّه
عشان تقدر تاخد قرار فحياتك محتاج تكون عندك عده عوامل .. ١- تجارب .. اللي الناس بتستهون بيه أن كل ما كان ليك تجارب كل ماقدرت تاخد القرار الصحيح..وعشان كدا مش صح تقفل على نفسك وتعتزل الدنيا والناس ..لازم تنزل أرض الواقع وتجرب ٢-التعلم...ودي تاني مرحله مترتبه على التجارب واللي بتكون خلاص بعد ما خوضت التجربه اتعلمت منها حاجه ٣- الخبره..مش بالضرورة تكون خبره فنفس الحاجه اللي هتاخد فيها قرار بس الخبره دي حاجه مترتبه على كتر التجارب ..ودي من اكتر المراحل اللي بتسهل. عليك اخد القرار ٤ - التفكير ..لازم نفكر تفكير عقلاني لو حاجه محتاجه عقل و ناخد نص قلبنا لو قرار عاطفي ومحتاج قلب ..لكن أكيد مش هناخد القرار منغير مانفكر خالص!! دي حتى تبقا عشوائية ٥- التوقيت وحط تحتها ألف خط ..في ناس بتاخد القرار بعد تفكير كتييييير اوي يكون الوقت المناسب فات ونندم ..وفي ناس بتتسرع في قرار محتاج التمهل على قد مانقدر بذات لو قرار مصيري هيكمل معاك باقي حياتك ..عشان كدا مهم تفرق دا قرار محتاج إنجاز ولا عندك وقت تفكر!! ٦- بعد النظر..ودي برضو مهمه جدا.. لازم يبقا عندك نظرة مستقبلية شويه عشان متاخدش قرار يأثر عليك ...
بتعجبني اول المقوله دي لا تقضي وقتا طويلا بحثا عن الحب ولكن ابحث عن نفسك.. تخيل كدا انك اصلا ماتعرفتش لسه على نفسك..على شخصيتك بعد ما كبرت واكتسبت خبرات وعديت ب مشاكل وحليتها..وشخصيتك اخدت اغلب الشكل النهائي اللي هتكون عليه ويكمل معاك باقي عمرك.. ماتعرفش انت بتحب ايه وبتكره ايه..حدودك ايه..ايه المسموح والغير مسموح.. طب ايه الصفات اللي بتتقبلها في الناس وايه اللي لاتقبلها. ايه الصفات اللي نفسك تكون موجوده في شريك حياتك؟!! اصلا ايه هو سماتك ونمط شخصيتك؟!! أكاد أجزم أن عدد لا بأس به هيقرا البوست دا و الأسئله دي ومش هيعرف إجاباتها.. تخيل بقا تبقا ماتعرفتش على نفسك وتايه كدا وبتدور عالحب؟!!! طب وانت تايه كدا غالبا مش هتكون بتدور على حب ..بتدور على اهتمام أو احساس وانك تهرب من الوحده...فا تتفاجئ بحد مش متوافق معاك ولا مع سماتك..سماتك اللي انت اصلا ماتعرفتش عليها..وتطلع من التجربه تقول ياريتني فضلت لوحدي..وانا اتظلمت..مع انك ظلمت نفسك لانك مدتهاش فرصه تفهمها وظلمت الترف الاخر بتوهانك.. استنوا شويه لما يحصل نضج..بلاش ارتباط بدري اوي زي مابنشوف..افهموا نفسكم وحبوا نفسكم الاول عشان ...
صباحكم زي الفل بوست فضفه كدا . احنا ربنا ادانا نعم كتيره اوي اكتر مما نتخيل من اول البصر لحد البصيرة ..بس بطبيعه النفس البشرية البحر يحب الزياده..دائما عايزين أكتر واحسن حاجه ..عندنا فلوس عايزين أكتر .عندنا شغل عايزين احسن...فالاخر نلاقي نفسنا بنبص لنص الكباية الفاضي ومش واخدين بالنا من النص المليان ..اللي هو مليان بنعم كتير اوي أولهم الصحه والستر .. فتصحى فيوم من الأيام تلاقي نفسك نقصت حته نعمه صغيرة من النعم اللي ربنا أكرمك وانعم عليك بيها..فتعيد حساباتك وتقول يااااه يارب دنا مش حاسس أو اتلهيت فبحثي الدائم عن الزياده ونسيت أشكرك على النعم الكتيره اللي عندي...دا مش معناه انك انسان جاحد..بس فعلا الدنيا تلاهي وحقيقي كل ماتفكر نفسك بكم النعم اللي انت فيها هتوصل لنقطه مهمه اوي وهي (الرضا) طول مانت راضي بتكون تخلصت من جزء كبير من التوتر والقلق والحسابات بتاعت بكرا والتصارع على الدنيا أنا بكتب البوست دا من السرير ..وانا تعبانه تعب شديد فعلا ..يمكن اول مره تحصلي وعكه صحيه بالشكل دا والحمد لله بحمد ربنا وبقول افتكاره رحمه وتكفير ذنوب ورفع درجات باذن الله لأن عن النَّبيِّ ﷺ قَالَ: مَا يُ...