لن تنضج حتى يُهدم أمام عينيك كُل ما تؤمن به

- أحمد خالد توفيق

-قد أيه جمله واقعيه جدا...كل ماتكبر هتبتلى في نفسك ..في مالك .في أهلك ...وحتى في دينك

-يجيلك أبتلاء في نفسك على هيئة مرض أو عاده نفسيه خاطئه

-يجيلك أبتلاء في مالك وتضطرك الظروف انك تتنازل عن جزء كبير من حياتك اللي متعود عليها ومايترتب عن نقص الدخل أو الديون

-يجيلك أبتلاء في أهلك يكون صعب وقاسي زي ادمان اخ او فضيحه أب

-أما ابتلاء الدين ففي الغالب بيكون بسبب شخص كان غالي عليك اوي وكان عامل فيها شيخ وفارش المصليه ليل نهار وبيدعي الفضيله وتتصدم لما تعرف عنه أقذر الصفات فتفتن وتبتدي تعمم فكره ان كل حد بيصلي أو بيتكلم بالدين فهو آفاق ومنافق

-دا كمان حصلت قدامي كتير أن واحده كانت ملتزمه وبعد الطلاق اتغيرت تماما وقلعت الحجاب وكل فكرتها منا كنت مش بسبب فرض وربنا ساب حد مش كويس يلعب بيا ويبهدلني ..كان فين ربنا وانا كنت قريبه منه وبرضو اتبهدلت..تقولها ياستي ابتلاء واختبار لدينك وبعد الصبر جبر..تقولك مش فارقه كدا متبهدله وكدا متبهدله..

-عشان كدا بنقول أن كل الحاجات اللي بتؤمن بيها وقناعاتك ومبادئك الشخصيه لما تبتلى فيهم وتقدر تعدي المحنه واللي في حقيقة الأمر بتكون منحه بتطلع منها مكتسب صلابه وقوه نفسيه ومهاره جديده المفروض تكون فخور بنفسك بعديها..وتتوالي الخيبات والاختبارات وانت مكمل في الصبر والتخطي والنضج

-أحب أشجع وأحيي كل شخص مر بإبتلاءات عظيمه كانت ممكن أن تدمر صحته النفسية ولكن قدر يصمد وموقعش...انت بطل ..الدنيا كلها صراعات ..أزمات ..في أيام حلوه كتير وإنجازات وانتصارات ..كل ماتنضج كل ماهتعدي المحن بخبره ونضج

-خلي عندك يقين في الله انك هتنجح في دار الاختبار

-خليك دائما ماسك في ربنا وتذكر (من وجد الله ماذا فقد ومن فقد الله فماذا وجد؟!!)

#نورهان_شاهين

#أخصائيه_علاج_نفسي