عشان تقدر تاخد قرار فحياتك محتاج تكون عندك عده عوامل ..١- تجارب .. اللي الناس بتستهون بيه أن كل ما كان ليك تجارب كل ماقدرت تاخد القرار الصحيح..وعشان كدا مش صح تقفل على نفسك وتعتزل الدنيا والناس ..لازم تنزل أرض الواقع وتجرب
٢-التعلم...ودي تاني مرحله مترتبه على التجارب واللي بتكون خلاص بعد ما خوضت التجربه اتعلمت منها حاجه
٣- الخبره..مش بالضرورة تكون خبره فنفس الحاجه اللي هتاخد فيها قرار بس الخبره دي حاجه مترتبه على كتر التجارب ..ودي من اكتر المراحل اللي بتسهل. عليك اخد القرار
٤ - التفكير ..لازم نفكر تفكير عقلاني لو حاجه محتاجه عقل و ناخد نص قلبنا لو قرار عاطفي ومحتاج قلب ..لكن أكيد مش هناخد القرار منغير مانفكر خالص!! دي حتى تبقا عشوائية
٥- التوقيت وحط تحتها ألف خط ..في ناس بتاخد القرار بعد تفكير كتييييير اوي يكون الوقت المناسب فات ونندم ..وفي ناس بتتسرع في قرار محتاج التمهل على قد مانقدر بذات لو قرار مصيري هيكمل معاك باقي حياتك ..عشان كدا مهم تفرق دا قرار محتاج إنجاز ولا عندك وقت تفكر!!
٦- بعد النظر..ودي برضو مهمه جدا.. لازم يبقا عندك نظرة مستقبلية شويه عشان متاخدش قرار يأثر عليك سلبيا في المستقبل ...
في الاخر كل شىء متقدر وبميعاد ولكن الإنسان واجب عليه التفكير والتدبر لأنك مسؤول عن قراراتك وعن نتائجها في حياتك..طور من نفسك وطريقة تفكيرك ومتخافش تخوض تجارب ..لحد ماتوصل للنضج الكافي اللي يخليك شخص قادر على اتخاذ القرار
#نورهان_شاهين
#أخصائية_علاج_نفسي_و_إكلينيكي
Comments
Post a Comment