Norhan Shahin - psychologist

  من أكثر التصرفات اللي بتبوظ علاقتك بشريكك واللي بتعملوها وانتوا مبسوطين أوي في أول العلاقه هي انكم تفتكروا اننا واحد والحب بيبقا مقطع بعضه وتبتدوا تكتفوا ببعض لحد مالموضوع واحده واحده يبدأ يتسلل للعلاقه الملل.. ليه!!! أقولك ليه لان في الغالب بتكنوا قفلتوا على بعض ومش عايزين حد معاكم وكل واحد يبتدي يبعد عن صحابه و مجتمعه.. المقصود ان الارتباط مش معناه اننا منسيبش اي مساحه شخصيه لبعض ولا معناه نلزق لبعض.. غير منعا للملل ...هتخسروا حياة اجتماعيه مهمه ..ودايرة معارف تفيدكم..غير ان مهم كل واحد يعيش حاجه مختلفه عشان حتى يكون عندكم حاجه جديده تحكوها لبعض... لكن فكره احنا واحد وبعد الجواز ممنوع الست تشوف اهلها واصحابها وهو يتنكد عليه لو هينزل القهوة دي فكره فاشله... لما بتتجوزوا مش بتبيعوا اهلكم واصحابكم .لما بتتجوزوا مش المفروض يحصلكم اضطراب اجتماعي كل واحد محتاج يتكلم مع حد من نفس نوعه ويفهموا بعض ... لو كل واحد ملوش مساحته الشخصيه هتبتدي العلاقه تبوظ واحده واحده ..هتبتدي بملل وخنقه وتنتهي لطلاق صامت #نورهان_شاهين #أخصائية_علاج_نفسي  

  مفهوم الحب الخطأ.... متخيلين كم المفاهيم الغلط اللي بنصدرها لأطفالنا لو احنا أم و أب مش مؤهلين ومش بنقرأ واللي للاسف بطلعهم مش فاهمين يعني إيه حب اساسا وبيرضو بأنصاف حب وأنصاف حلول وأنصاف اهتمام!!! تعالوا نتخيل كدا لما أب او أم ملهومش في الحنيه وهاريين ولادهم زعيق وضرب والطفل كبر عالتهزيق وهو اتبرمج أن بابا وماما بيحبوني واتعود أن هو دا شكل الحب!!! الطفل دا لما يكبر أي حد بيهزقه وهو فاكر أن دا الصح وأنه يستاهل لانه اتعود واتبرمج على كدا.. لأ دا كمان من الصراعات اللي شافها بين بابا وماما بيطلع وهو فاكر أن دا شكل الزواج وعلاقاته بتفشل أو يتجوز ويحاول يطبق نفس الطريقة اللي شافها بين بابا و ماما وياما في بيوت عاش فيها الأب والأم مطلقين تحت سقف واحد أو عاشوا في صراع وكأنهم أعداء...متخيل الطفل الناتج عن زواج غير صحي بالمرة حياته و مفهومه عن الحب هيكون ايه؟! بلاش نتسرع في الخلفه..وياريت نكون مقتنعين أن مش كل زوج وزوجه يصلحوا يكونوا أب و أم .. #نورهان_شاهين #أخصائية_علاج_نفسي_و_إكلينيكي

  من أصعب المشاعر على نفسية الإنسان هو الصبر.. • الصبر على ابتلاء محدش حاسس بيك فيه لأن محدش مكانك ..فبتسمع نصايح وتصبير وكلام الدنيا كلوا ساعتها بيكون ضلمه فعينك..لأن فعلا محدش حاسس بعصرة قلبك غيرك. • الصبر على مالم تحط به علما..حقيقي صعب أوي تصبر على ابتلاء قوي وممتد ومش عارف هينتهي امتى أو حتى بعد هيحصل ايه أو بكرا مخبي إيه..أو ايه حكمة ربنا منه.. • الصبر على مرض وفلوس الدنيا كلها مش بتعملك حاجه ومفيش في إيدك وإيد كل اللي بيحبوك غير الدعاء • الصبر على ظلم وغدر أقرب الناس ليك ودا بيبقا كأنه سكينه فقلبك بتفضل معلمه العمر كله وبتصيب الإنسان بخيبة أمل وأزمه ثقه كبيره • الصبر على الابتلاء في الأبناء و الأهل • الصبر على شتات أمرك والتوهه اللي بتحصل كل فتره وبتقف مع نفسك تقول يارب هل أنا ظالم ولا مظلوم وهل هنا عالطريق الصح ولا غلط الأكيد واليقين الوحيد اللي بيصبر الإنسان حجاتين ملهومش تالت الأولى : استشعار أن ربنا وحشه صوتك وابتلاك عشان يسمع تضرعك ودعائك ولجوئك ليه الثانيه : تخليك متأكد أن وله في ذلك حكم وان بكرا دا بتاع ربنا والايام هتعدي هوا وتعرف ليه ربنا عمل كدا ...وهتعرف فعلا يعني...

  عاملوا الناس على قدر عقولهم..يعني خدوهم على قد عقلهم..يعني مش كل حاجه تخليك تنفعل..يعني تغافل ليبقى الود مادام التغافل في الحد اللي مش هيخليك تفرط في كرامتك..يعني سر بين الناس جابرا للخواطر لينجيك الله من قلب المخاطر صبحكم خير جمعه مباركه  #نورهان_شاهين #أخصائية_علاج_نفسي_و_اكلينيكي

  من أصعب المعارك مع نفسك اليأس ودي مرحله أخيرة أتمنى محدش يوصلها طول مافيك نفس وطول مافيك روح يبقا ربنا لسه هيستعملك للخير ولإعمار الكون .. طول عمرك بتغلط وهتفضل تغلط لأن كل ابن آدم خطاء .فلو فاكر انك يأست من رحمة ربنا بسبب ذنوبك تبقا غلطان ..لأنك مهما غلطت هتلف وترجع تخبط على باب ربنا هتلاقيه مفتوح ..طول مالشمس بتشرق من مشرقها لسه باب التوبه والرجوع مفتوح.. أما لو يأسك بسبب الحياه والضغط والشغل فدائما قارن نفسك بنفسك القديمه..ناس كتير في جلسات تحليل نفسي تتكلم معاهم تلاقيهم وصلوا لليأس لأنهم حاسين أنهم معملوش حاجه ومنجحوش وتلاقي في الآخر أنه شخص أنجز كتير لكن وصل لكده لأنه عمال يقارن بينه وبين غيره ربنا لما قال كف عينك عن رزق غيرك ترزق مكانتش من فراغ ..طول مانت باصص فإيد غيرك عمرك ماهتحس بالنعمه اللي فإيدك ..تلاقي حد باصص لصاحبه اللي بقا مدير وناسي أن المدير دا نفسه يتجوز ومحصلش نصيب واللي بيبص عليه متجوز وعنده بدل الطفل اتنين..لو اقتنعنا أن مش لازم الحياة تمشي زي محنا عايزين هنرتاح كتير ...لو اقتنعنا أن ربنا بيرزقك بالاصلح ليك اللي مش هيفتنك ولايضيعك هنقول الحمد لله..(وإن شكرتم ...

  هم لا يعرفون ما معنى أن تكون شخصاً يتجاوز كل شيء وهو صامت، يتجاوز ويتجاوز بكل هدوء حتى يعتقد من يراك أنك لم تتعثر يوماً. لا أحد سيعرف إلى أي مدى أنت مُتعب، فـ ظاهرك منظم وتفاصيلك الهادئة لا تشير بمقدار التعب الذي تضمره ولأنك تبتسم كثيراً لن يشعر بك أحد. لن يفهموك .. فأنت تتحدث عن أمر قطعت فيه آلاف الأميال تفكيرا ولم يمشوا فيه خطوة واحدة ولن يشعروا بك فأنت تشرح ما جال في قلبك كل ليلة ملايين المرات ولم يطرق قلبهم ليلة، ليس ذنبهم بل هي المسافة الهائلة بين التجربة والكلمات. _ أحمد خالد توفيق. #نورهان_شاهين #أخصائية_علاج_نفسي