عشان نفهم الموضوع تعالوا نتخيل زوجين وطريقتهم في التعبير عن الحب والإهتمامالزوجه بتقول مهما أعمل مبيشوفنيش أغير لون شعري أغير طريقة لبسي ولا بسمع أي تعليق أكني هوا معدي قدامة .حاسه اني غير مرغوب فيا..طب لما هو مبيحبنيش اتجوزني ليه؟!!!
الزوج بيقول مش لازم كل حاجه أعلق وأتكلم منا مش هخلص لما كل حاجه تعملها المفروض أتكلم...أنا راجل عملي و دي طريقتي وهي عرفاني كدا من الأول..
المشكله هنا اللي بتواجهنا ..أختلاف الشخصيه وطريقة التعبير ...نصيحه لكل حد باديء علاقة حب..قيم الشخص اللي قدامك شبهك في طريقة الحب والتعبير ولا لأ لأن دا اللي هيكمل قدام..لو الطريقة مش مناسبه بلاش أحسن
طب حد هيقولي خلاص الفاس وقعت في الرأس واتجوزنا..
هقوله تروحوا لمرشد أسري تقعدوا وتتكلموا وكل واحد هيتنازل شويه ويخليه مرن لحد مانوصل لنقطه لقاء ودا طبعا سعيا لحياة أسريه وزوجيه أفضل
لأن كل حاجه بتحصل هتأثر على الأطفال وعلى انتاجيتك في العمل وتشكل ضغط نفسي وصحي كمان
#نورهان_شاهين
#أخصائية_علاج_نفسي_و_إكلينيكي
Comments
Post a Comment