الأول نشرح يعني إيه سوء تقدير للمواقف ...يعني ببساطه محسبتهاش صحطيب محتاجين إيه عشان نتعلم نقدر الموقف صح ؟!
١- قدراتك مناسبه للموقف ولا لا..جايز دا موقف فوق مستوى قدراتك النفسيه أو العقليه أو البدنيه.
٢- الوقت ...عامل الوقت مهم أوي جايز مش دا الوقت المناسب للقرار.
٣- بعد النظر..محتاج تفكر بنظرة مستقبلية شويه لأن جايز الوقت يكون مناسب دلوقتي لكن مش مناسب قدام شويه
٤- نظرة كليه أو شموليه...محتاجين دايمأ نبص للأمور ككل مش كجزء ..لانك وانت جوا الموقف نص الموقف مش بتشوفه ..كأنك ساكن في الدور الأرضي ومش شايف اللي بيحصل في محيط العماره لكن لو طلعت عالسطح هتشوف بوضوح..
طب حد يقولي برضو مش فاهم ..أقولك أمثله
زي مثلا لما تدخل فعلاقه والطرف التاني يصارحك بمرضه وتقول هكمل ...انت متعرفش المرض دا ايه متطلباته ومتعرفش الشخص دا هيحتاج منك مساعده قد ايه ؟!
انت وافقت بدافع الحب ...وفعلا بتحبه ..بس لما تتحط في التجربه تلاقي ظروفها كبيرة عليك وعلى قدراتك..موقفتش تفكر وتبص الصورة الكليه للحياه شكلها عامل ازاي ..ولما ترجع فكلامك بعد ماتكونوا قطعتوا نص الطريق هتبقا انت واقع في حيرة ..طب انت كدا ندل واتخليت عن حد بحبه!!!..طب أنا ليه وافقت ...طب أنا مخدتش وقتي في التفكير ليه؟!!!
عشان كدا بنصح أي حد ياخد وقته في التفكير قبل أي قرار..لأن الموضوع بيفرق ..لو بتاخد قرار في حياتك الفرديه ولا بتاخد قرار يخصك انت وشخص تاني..ساعتها هتبقا أقحمت مشاعر ونفسية انسان اعتمد عليك وحس بالأمان معاك
خدوا وقتكوا وفكروا ...عشان متندموش ..من وجهة نظري المتواضعة ..زي مافي حكمه بتقول
من لا يملك لسانه يندم ..أنا بشوف كمان أن من لايملك قراره يندم
#نورهان_شاهين
#أخصائية_علاج_نفسي_و_إكلينيكي
Comments
Post a Comment