أتعلم تقدر قيمة نفسك ..
حلو إنك تبقا شخص خدوم ومعطاء و بتحب الناس وتساعدهم بشكل عام..
لكن مش حلو بشكل خاص في علاقاتك الشخصية القريبه انك تحب وتهتم وتدعم وتدي كم كبير من العطاء لشخص ما أيا كان علاقة صداقه أو حب أو زواج وفي المقابل اللي بيوصلك من الشخص دا ميكملش ربع الاهتمام اللي انت بتديهوله !!!
للأسف مع الوقت هتحس انك بتنفخ في قربة مقطوعه لحد مانفسك انت اتقطع!!
مع الوقت الشخص دا رصيده هيقل عندك..
شويه شويه لو الشخص دا عايش معاك فنفس البيت ..لو حصله مصيبه انت حتى مش هتتعاطف معاه..لأنك لما بيحصلك بلاوي مبيتعاطفش معاك ..مكانته هتقل وحبه فقلبك هيقل مع كتر التراكمات والخزلان...
فتبتدي تشحت منه الأهتمام والرعاية ...فميحصلش جديد ..فتصعب عليك نفسك وتقرر تبقا متفرج فقط!!
لحد ماهيجي يوم عليك وتقرر تستغنى عن وجوده فحياتك..للأسف دا الترتيب اللي بيحصل في علاقات كتير بتنتهي ..
كلمة الإهتمام مبيطلبش دي حقيقه..لو طلبناه بيكون تسول عاطفي..اللي بيحب حد بيهتم ويتعاطف لوحده مش محتاجين نلفت نظرة ..
عززوا نفسكم ..انت انسان جميل بمميزاتك وعيوبك..تستاهل تتحب  تستاهل حد يهتم بيك منغير ماتطلب 
#نورهان_شاهين
#أخصائية_علاج_نفسي_و_إكلينيكي