بيقابلني ناس تقولي أنا ربنا حط فطريقي شريك حياه إستحاله يعترف أنه غلط..سواء غلط بشكل عام أو غلط في حقي ..والموضوع دا بيضايق لأنه عدم الاعتراف بالغلط بيتبعه عدم الاعتذار ..

فكرة أنه يطيب خاطرك أو يعتذرلك عن أذى عمله دي مش وارده في قاموسه..
الشخص دا بيكون قاسي ..فكرة أنه يعتذرلك..أو حتى يفوت هفواتك ويقبلك بعيوبك بتكون صعبه أوي بنسبالك..
الشخص دا للأسف عنده صفه صعبه وهي (لذة الإنتصار للأنا)
عشرة الشخص دا بتكون صعبه جدا ..بيمشيك عالحبل..خايف تغلط لأنه مش هيسكت وهيحاسبك..مبيفوتش هفوه..
واحنا كلنا محتاجين حد لين وهين يقبلنا زي ماحنا بمميزاتنا وعيوبنا..
الحياة فيها مايكفي من القسوة فمش هتبقى الحياه وشريك حياتك عليك!!
لما تشوف حد في الصفه دي من اولها عيد النظر في علاقتك بيه لأنك هتتعب ..
لأن عمرك ما هتتعامل مع حد الا ولازم هتختلفوا ..والشخص دا عند الخلاف بيكون شرس ..وكلماته مؤذيه وجارحه ..
فكروا كويس وحافظوا على قلبكم 
#نورهان_شاهين
#أخصائية_علاج_نفسي_و_إكلينيكي